政府T Contract（T26）人工真係加到痴晒線
最近幫個朋友搵TCon工，令我再次留意T26嘅人工行程。
雖則上年年尾已經傳聞T26會瘋狂加人工，而家見到啲T Contract人工真係大開眼戒，T25到T26升幅閒閒地十幾二十個percent。CAP超過50k，淨係做個CITA都兩皮幾，咪話唔吸引。
至於最多人問嘅問題就係，邊間Agent人工最高？ 以常理講，冇理由會存在一間Agent公司所有薪酬都係最高或最低。我相信每間都有啲職位偏高一啲，有啲職位就低啲啲，咁先有肉食ga嘛，唔會舊舊豬頭骨嘅。唔計轉會呢啲必食job，正常開新位請人果啲，搵個人處理interview 做matching都要出糧啦，所有時間都係錢。
問過幾間Agent，其中有間直頭好晦氣咁同我講，介紹人俾佢都唔想要，話多工序多嘢做，轉會人先有興趣接。可以睇到近排啲Agent真係淨做落榜果兩間Agent嘅轉會都食到飽晒。
Hi Roger師兄,
我依家27歲, 係IT依行都做左幾年, 因為最近依份工做左3年幾都仲未加我人工, 同出面比一直都underpaid緊, 仲要今年全體員工bonus都少左好多, 而且生活上開始多左好多支出, 搞到我有少少灰同時醒覺唔可以再係依家間公司度浪費時間, 等佢唔知幾時先真係加我人工。
最近留意到T26既人工真係比出面高好多, 但睇左啲啲agent既post覺得自己識既好似都唔太match到佢地啲要求, 想請教下師兄咁樣係咪apply左都唔駛旨意agent會叫我去in?