你係唔係教波㗎

呢幾晚天氣都好好有涼爽，所以都落咗去維園打波，落開去打波嘅大家都見慣見熟熟口熟面，間中會有啲比較生面口嘅人。

落街場打波，我比較鍾意同啲生面口嘅人一齊打，夾下唔同嘅隊友，有時可以拆出火花。我係一個鍾意分波同防守嘅球員，一場波裏面就算自己冇分攞，但做到啲靚波畀隊友，或者封到啲高大過自己嘅球員，都會好有滿足感。

今晚打波，只係打咗一場，好激烈嘅一場。打完之後，對面隊我剛才防守嘅180大隻年輕人走過嚟同我講咗句嘢，我呆咗兩秒。佢問：“你係唔係教波㗎？” 我心想，唔通係以前嘅學生？！話晒都教咗波有二十年，好多小學後，中學再讀完大學嘅見返都佢認得我，我唔認得佢啦。我問返佢：“我教過你？” 原來唔係，佢話睇到我打得好有經驗，又不停誇獎話我防守好，搞到我都有d尷尬，唔知點回應，不過又有d飄飄然嘅感覺嘅。^^