申請開公司銀行戶口，3個月後終於收到東亞電話

今日收到東亞銀行打電話來，我仲以為我有卡數未還追我欠款，原來係打電話來通知我幾個月前申請ge公司帳戶可以去分行辦理開戶手續。

收到呢個電話，令我又回憶起今年五月中到東亞銀行分行查詢開立新公司銀行戶口的不快感受。
當日去到櫃台旁邊的客戶服務位置查詢，和我對答的職員給我第一個感覺係"唔想做"。我冇辦法查証佢係有心or無意，但單憑佢說話ge語氣和態度，我收到ge訊息係:

 "要俾$150查冊費，冇得退ga，需時3至4個星期左右。Eeee....做IT ga? 你公司好新下wooo，有冇近一年ge業績單據呀? 冇ge話我地好大機會唔批ga，你可以試下ge。" (註明:絕對有加入主觀感情和字詞改變) 

當然，我唔係大公司，亦明白你地有你地ge難處同風險評估需要，但問題係出係個職員度，令我對東亞ge印象好差，不過最後我都交咗$150查冊費去申請公司戶口。之後去埋中銀，佢地直接reject咗我，但人地態度好好多，我條氣又冇咁頂住woo。入返正題，去完東亞之後第二日我去大新銀行問同樣問題做同樣ge嘢，一星期後戶口都開埋，態度一流+爽快!
因為已經有銀行戶口去處理客戶帳目事宜，都沒有太在意東亞那邊的申請。之後一個月左右，我收到東亞果個女職員打來同我講在我個網頁睇唔到我ge相關資料等等問題。我心諗，我大新果邊個戶口做緊生意啦，你地先開始check緊我個website?! 同佢傾咗一陣，了解情況之後都冇再聯絡。

三個月後的今日，終於有電話打來叫我去辦餘下手續，係唔係要咁耐呀?! 如果等佢個account收錢真係死得。萬一，我係話萬一，第日公司業務蒸蒸日上飛黃騰達要搵銀行合作或者做借貸，俾係你會唔會選擇當咁ge 銀行呢?